Եմենում իշխանությունը գրաված հուսիթները մի շարք հրթիռներ են արձակել Արաբական Միացյալ Էմիրությունների մայրաքաղաք Աբու Դաբիի, ինչպես նաև երկրի ու տարածաշրջանի խոշորագույն ֆինասական-առևտրական կենտրոն Դուբայի ուղղությամբ:
«Գործողությունը հաջողությամբ է պսակվել: Եմենի զինված ուժերը վերահաստատում է, որ Էմիրությունների թշնակական երկիրը կլինի անապահով վիճակում, քանի որ թշնամի Իսրայելը շարունակում է գործել Աբու Դաբիում և Դուբայում: Մենք կոչ ենք անում Էմիրությունների շարքային բնակիչներին հեռու մնալ կարևոր կենտրոններից և ենթակառուցվածքներից, քանի որ դրանք կարող են թիրախավորվել»,- հայտարարել է հութիների ռազմական ուժերի խոսնակ Յահյա Սարեան:
Նրա փոխանցմամբ, Եմենի բանակը հրթիռակոծությանը տվել է «Եմենի երրորդ փոթորիկի գործողություն» կոդային անունը: Եմենը սպառնում է շարունակել Արաբական Միացյալ Էմիրությունների տարածքի հրթիռակոծությունը:Հութիների շարժման պաշտոնական անունն է Ansar Allah՝ «Աստծո պաշտպաններ»:
Նրանք Եմենում մասնակցել են հակակառավարական ցույցներին, իսկ 2014 թվականին հսկողության տակ են վերցրել մայրաքաղաք Սանաան և երկրի հյուսիսային տարածքքի մեծ մասը: Միջազգային ասպարեզում հուսիթների շարժման առանցքային աջակիցներից մեկը համարվում է Իրանի Իսլամական Հանրապետությունը:
