2023 թվականի առաջին կիսամյակում «Toyota»-ն դարձավ աշխարհի խոշորագույն ավտոարտադրողը՝ առաջ անցնելով գերմանական «Volkswagen AG»-ից և այլ մրցակիցներից։
Այս մասին հայտնում է «Kyodo» հրատարակությունը։
Toyota-ն հայտարարել է, որ վեց ամսում վաճառել է 5,42 միլիոն ավտոմեքենա ամբողջ աշխարհում, այդ թվում՝ Daihatsu և Hino ապրանքանիշերով վաճառված մեքենաներ:
Նախորդ տարվա համեմատ ավտոարտադրողին հաջողվել է 5,5%-ով ավելի շատ ավտոմեքենա վաճառել։ Ճապոնական ավտոարտադրողը նշել է, որ վաճառքի աճը ձեռք է բերվել ամբողջ աշխարհում արտադրական հզորությունների ավելացման շնորհիվ։
Համեմատության համար նշենք, որ Volkswagen-ը 2023 թվականի առաջին կիսամյակում վաճառել է ընդամենը 4,37 մլն ավտոմեքենա, ինչը 12,8%-ով ավելի է 2022 թվականի նույն ժամանակահատվածի համեմատ։
Toyota-ի համաշխարհային արտադրությունն աճել է 10,3%-ով՝ հասնելով 5,63 մլն միավորի։ Դրա արտադրությունը Ճապոնիայից դուրս նույնպես աճել է մինչև 3,53 միլիոն ավտոմեքենա:
