Ընթացիկ տարվա դեկտեմբերի 1-ին Ադրբեջանում խնդրահարույց վարկերի ծավալը նախորդ ամսվա համեմատ նվազել է 0,02%-ով՝ կազմելով 440,3 մլն մանաթ։
Toplum TV-ն հայտնում է, որ այս մասին տեղեկություն է տարածել Կենտրոնական բանկը։
Հաղորդվում է, որ ժամկետանց վարկերն այս տարվա սկզբի համեմատ նվազել են 25,8%-ով, իսկ նախորդ տարվա նույն ժամանակահատվածի համեմատ՝ 31,3%-ով։
«Ժամկետանց վարկերի տեսակարար կշիռը ընդհանուր վարկային պորտֆելում նախորդ տարվա համապատասխան ժամանակահատվածի համեմատ նվազել է 1,3 տոկոսով և կազմել 1,9 տոկոս»,- նշված է տեղեկատվության մեջ։
Կենտրոնական բանկի տրամադրած տեղեկատվության համաձայն՝ 2023 թվականի հունվար-նոյեմբերին Ադրբեջանում բանկային հատվածի շահույթը մոտեցել է 1 մլրդ մանաթին։ Այսպիսով, բանկերը ստացել են 997 մլն մանաթի շահույթ։ Հաղորդվում է, որ դա 16%-ով ավելի է նախորդ տարվա նույն ժամանակահատվածի համեմատ։