Ադրբեջանի Կենտրոնական բանկի կառավարման խորհուրդը որոշում է կայացրել իջեցնել զեղչման տոկոսադրույքը 0,25 տոկոսային կետով՝ 8%-ից մինչև 7,75%:
Toplum TV-ն հայտնում է, որ հաստատությունն այս մասին տեղեկություն է հրապարակել հունվարի 31-ին։
Հաղորդվում է, որ տոկոսային միջանցքի ստորին սահմանը կրճատվել է 0,25 տոկոսային կետով՝ 6,5%-ից հասնելով 6,25%-ի, իսկ վերին սահմանը՝ 0,25 տոկոսային կետով՝ 9%-ից հասնելով 8,75%-ի։
«Այս որոշումն ընդունվել է՝ հաշվի առնելով փաստացի և կանխատեսվող գնաճի նպատակային միջանցքում գտնվելու հանգամանքը, գնաճային սպասումների կայունացումը, ինչպես նաև արտարժույթի շուկայում տիրող իրավիճակը»,- ընդգծվում է հաղորդագրությունում։
Նոր որոշումն ուժի մեջ կմտնի փետրվարի 1-ից։
