Գիտության և կրթության նախարար Էմին Ամրուլլաևն ասել է, որ Ադրբեջանի գիտությանը հատկացվող միջոցները քիչ են։
Toplum TV-ն ԱՊԱ-ին հղումով հայտնում է, որ այս մասին նախարարն ասել է փետրվարի 29-ին ՀԱԱՀ-ի Գլխավոր ասամբլեայում ունեցած ելույթի ժամանակ։
«Այսպես է եղել այնքան ժամանակ, որ եթե հանկարծ ավելացնենք ֆինանսավորումը, արդյունքը չի ստացվի։
Նրա խոսքով, համագործակցությունն էական նշանակություն ունի ադրբեջանական գիտության զարգացման համար։ Անհատական գիտություն չկա, գիտությունը տեղի է ունենում միասնության ֆոնի վրա, ասաց նա։
Նախարարը նաև ասաց, որ բուհը որքան շատ ուսանող ունի, այնքան ֆինանսավորում ունի։ Սա մրցակցության ճանապարհ է բացում։
«Որպես գիտության և կրթության նախարարություն՝ 2024 թվականի համար մեր իրավասության ներքո գտնվող բարձրագույն ուսումնական հաստատություններին հատկացվել է 8 միլիոն մանաթ՝ վարկանիշը բարելավելու համար։ Մինչև 2026 թվականը Ադրբեջանի 3 բարձրագույն ուսումնական հաստատություններ պետք է ընդգրկվեն 800 լավագույն բարձրագույն ուսումնական հաստատությունների շարքում։ Մենք սա ծրագրում ենք»,- շեշտեց նախարարը։