Բաքվի և Երևանի միջև խաղաղությանն ուղղված յուրաքանչյուր քայլ մեծ նշանակություն ունի։
Toplum TV-ն հայտնում է, որ այս մասին փետրվարի 29-ին ասել է Գերմանիայի արտգործնախարար Անալենա Բերբոկը՝ մեկնաբանելով Բեռլինում խաղաղության պայմանագրի նախագծի շուրջ Ադրբեջանի և Հայաստանի արտգործնախարարների երկօրյա բանակցությունները։
«Հայաստանն ու Ադրբեջանը խաղաղության համաձայնագրի հասնելու խիզախ, բայց դժվար ճանապարհին են։ Որպես դաշնային կառավարություն՝ մենք աջակցում ենք խաղաղ բանակցություններին՝ վերքերը բուժելու և խաղաղության հասնելու համար: Այս ճանապարհին արված յուրաքանչյուր քայլ կարևոր է»,- ասել է Բերբոկը «X» սոցիալական ցանցում։
Նշենք, որ փետրվարի 28-ին և 29-ին Բեռլինում կայացել է Գերմանիայի, Ադրբեջանի և Հայաստանի արտգործնախարարների համատեղ հանդիպումը։ Արարատ Միրզոյանը և Ջեյհուն Բայրամովը նաև երկկողմ բանակցություններ են վարել։
