Աստանան ողջունում է խաղաղության համաձայնագրի կնքմանն ուղղված Երեւանի և Բաքվի ջանքերը և պատրաստ է հարթակ տրամադրել բանակցությունների համար։ Այս մասին ապրիլի 15-ին Հայաստանի վարչապետ Նիկոլ Փաշինյանի հետ Երեւանում կայացած ճեպազրույցում հայտարարել է Ղազախստանի նախագահ Կասիմ-Ժոմարտ Տոկաևը։
«Մեր հիմնական նպատակն է մերձեցնել բարեկամ երկրներին միմյանց հետ, ճանապարհ հարթել տարածաշրջանում խաղաղության և կայունության համար»,- ասել է Տոկաևը։
Նա նշել է, որ Աստանան ողջունում է խաղաղության համաձայնագրի կնքմանն ուղղված Երեւանի եւ Բաքվի ջանքերը։
Տոկաևը Հայաստանը վստահելի գործընկեր է անվանել Հարավային Կովկասում և ասել, որ Հայաստանի և Ղազախստանի դիրքորոշումները մոտ են որոշ արդիական տարածաշրջանային հարցերում։
