Անցած գիշեր Տավուշի մարզի հարյուրավոր բնակիչներ փակել են միջպետական ճանապարհի Բագանիս-Կիրանց հատվածը։ Խոսքը Տավուշի Բագանիսի, Ոսկեպարի, Կիրանցի, Բարեկամավանի, Կոթիի, Դիլիջանի, Իջևանի և այլ բնակավայրերի բնակիչներն են։
Հավաքվածները բողոքում են Ադրբեջանի հետ սահմանի գծանշման շուրջ ձեռք բերված պայմանավորվածությունների դեմ և հայտարարում, որ չեն ընդունում դրանք, պահանջում են հանդիպում Հայաստանի վարչապետ Նիկոլ Փաշինյանի հետ։
Գիշերը փակվել է Ոսկեպար և Բագանիս գյուղերով անցնող Վրաստանի սահման տանող միջպետական ճանապարհը։ Դեպքի վայր եկած ոստիկանական ստորաբաժանումները փակել են ճանապարհը, որպեսզի այլ մարզերից մարդիկ չկարողանան միանալ ցուցարարներին։
Այս տեսահոլովակը դիտելու համար խնդրում ենք միացնել JavaScript-ը և արդիականացնել a
վեբ զննարկիչը, որ
աջակցում է HTML5 տեսանյութը