Քելբաջարում ադրբեջանցի 4 զինծառայող էր անհետացել, 1-ին դեռ չեն հայտնաբերել

Ադրբեջանի ռազմական գերատեսչության հաղորդագրության համաձայն՝ «Հայաստանի հետ սահմանամերձ բարձրլեռնային Քելբաջարի շրջանում եղանակային պայմանների կտրուկ փոփոխության և ձնաբքի պատճառով կապը խզվել է ադրբեջանցի 4 զինծառայողների հետ»։

Գերատեսչությունը տեղեկացնում է, որ այսօր առավոտյան որոնողական աշխատանքների արդյունքում հայտնաբերվել են զինծառայողներից երեքը, որոնք հիվանդանոց են տեղափոխել, չորրորդին հայտնաբերելու աշխատանքները շարունակվում են։