Ադրբեջանի գլխավոր դատախազությունը հետաքննություն է սկսել Ռուսաստանի նախկին պետքարտուղար և առաջին փոխվարչապետ Գենադի Բուրբուլիսի մահվան փաստի առնչությամբ։ Այս մասին հայտնում է «Թուրան» գործակալությունը՝ վկայակոչելով իրավապահների պաշտոնական հաղորդագրությունը։
Այլ մանրամասներ չի հաղորդվում։
Ռուսաստանցի նախկին բարձրաստիճան պաշտոնյան մահացել է հունիսի 19-ին Բաքվում։ Ադրբեջանի մայրաքաղաքում Բուրբուլիսը մասնակցում էր Բաքվի գլոբալ ֆորումին։
«Թուրանի» տվյալներով՝ 77-ամյա ռուսաստանցի գործիչը մահացել է «5-աստղանի հյուրանոցի սաունայում»։
