Մարտի 31-ին Ադրբեջանի պաշտպանության նախարարությունը նախազգուշական հայտարարություն է տարածել Հայաստանին.
«Վերջին օրերին հայ-ադրբեջանական պայմանական սահմանի տարբեր ուղղություններում նկատվում է Հայաստանի զինված ուժերի ակտիվ ուժերի, զրահատեխնիկայի, հրետանային կայանքների, ինչպես նաև այլ ծանր զինատեսակների կենտրոնացում և զորքերի ինտենսիվ տեղաշարժ։
Վերջին շրջանում ակտիվացել են Ադրբեջանին պատերազմով սպառնացող ռեւանշիստական ուժերը, մեր երկրի դեմ ագրեսիվ հռետորաբանությունը հասել է իր գագաթնակետին, ակնհայտ է դիվերսիոն փորձերի նախապատրաստմամբ տեղեկատվական տարածքում իրավիճակի սրմանը ծառայող սադրիչ տեղեկատվության քանակը։
Զգուշացնում ենք, որ Հայաստանի զինված ուժերի կողմից Ադրբեջանի դեմ ռազմական սադրանքի ցանկացած փորձ ադրբեջանական բանակի կողմից կտրականապես կհակազդվի։
Եվս մեկ անգամ հայտարարում ենք, որ իրավիճակի սրման և ցանկացած հնարավոր սադրանքի ողջ պատասխանատվությունն ամբողջությամբ ընկնելու է Հայաստանի և նրա հովանավորների վրա»։
Նշենք, որ մեկ օր առաջ համացանցում հրապարակվել էին Նախիջեւանի սահմանամերձ Երասխ բնակավայրում հայկական զինուժի մեծ թվով զինտեխնիկայի եւ անձնակազմի տեղաշարժը տեսագրություն։
