Ապրիլի 14-ին Ադրբեջանը և Հորդանանը պաշտպանական ոլորտում համագործակցության համաձայնագիր են ստորագրել։
Համաձայնագիրը ստորագրվել է Ադրբեջանի պաշտպանության նախարար Զաքիր Հասանովի Հորդանանի Հաշիմյան Թագավորություն կատարած պաշտոնական այցի ընթացքում։
Ինչպես հայտնում է ԱՀ ՊՆ մամուլի ծառայությունը, այցի շրջանակներում նախարար Հասանովը հանդիպել է Հորդանանի զինված ուժերի շտաբի պետերի միացյալ շտաբի նախագահ Յուսիֆ Ահմեդ Ալ-Հնայիտիի հետ։
Հանդիպմանը, որն անցկացվել է լայն ձևաչափով, քննարկվել են ռազմական և ռազմատեխնիկական ոլորտներում համագործակցությունը, ինչպես նաև փոխադարձ հետաքրքրություն ներկայացնող այլ հարցեր»,- նշվում է տեղեկատվության մեջ։
Զաքիր Հասանովին ընդունել է նաև Հորդանանի Հաշիմյան Թագավորության թագավոր Աբդուլլահ բին Ալ Հուսեյն Երկրորդը։
Պաշտպանության նախարարը թագավորին է փոխանցել ԱՀ նախագահ Իլհամ Ալիևի՝ Կլիմայի փոփոխության վերաբերյալ ՄԱԿ-ի շրջանակային կոնվենցիայի (COP29) կոնֆերանսի 29-րդ նստաշրջանին մասնակցելու հրավերի նամակը։
Հանդիպմանն ընդգծվել է Հորդանանի հետ ռազմական ոլորտում, ինչպես նաև բազմաթիվ ոլորտներում համագործակցության կարևորությունը։
