ԱՄՆ Ներկայացուցիչների տունն ընդունել է Ադրբեջանին ռազմական օգնությունը սահմանափակող օրինագիծ

ԱՄՆ Ներկայացուցիչների տունը չորեքշաբթի օրը ձայների մեծամասնությամբ հավանություն է տվել կոնգրեսական Ֆրենկ Փալոնի նախաձեռնած օրինագծին, որը հաջորդ տարի կսահմանափակի ամերիկյան ռազմական օգնության տրամադրումը Ադրբեջանին:

Փաստաթուղթը, որին միացել էին թե՛ դեմոկրատական, թե՛ հանրապետական օրենսդիրներ,արձանագրում է, որ 2022 թվականի բյուջով Ադրբեջանը չի կարող միջոցներ ստանալ Միջազգային ռազմական կրթության ու վերապատրաստման, ինչպես նաև Արտաքին ռազմական ֆինանսավորման հոդվածներով:

Կոնգրեսական, Հայկական հարցերով հանձնախմբի համանախագահ Ֆրենկ Փալոնը ողջունել է փաստաթղթի ընդունումը: Օրվա առաջին կեսին, հղում անելով հայ֊ադրբեջանական սահմանի լարվածությանը, կոնգրեսականը Թվիթերում գրել էր. – «Ադրբեջանի հարձակումները մասն են մի ծրագրի, որի նպատակն է յուրացնել Հայաստանի տարածքը և հարվածել ժողովրդավարությանը»:

Այդուամենայնիվ, ուժի մեջ է մնում օրենքի մեկ այլ դրույթ, որով Բաքուն անցած տարիներին տասնյակ անգամներ ավելի շատ գումար է ստացել` ահաբեկչության, թրաֆիքինգի կամ թմրամիջոցների ապօրինի շրջանառության դեմ պայքարի համար: Անցած երկու տարում, մասնավորապես, այդ նպատակով Ադրբեջանին հատկացված գումարները կազմել են մոտ 100 միլիոն դոլար: ԱՄՆ Հայ դատի գրասենյակը հայտարարել է, որ կշարունակի պայքարը նաև այս հնարավորությունը չեղարկելու համար:

Անցած գիշեր և չորեքշաբթի առավոտյան մարտական գործողություններ են ծավալվել հայ – ադրբեջանական սահմանի հյուսիս-արևելյան՝ Սոթքից մինչև Վերին Շորժա հատվածում: Հայկական կողմը հաղորդում է դրանց հետևանքով 3 զոհի և 4 վիրավորի, ադրբեջանական կողմը՝ 2 վիրավորի մասին:

Ռուսաստանի խաղաղապահ զորքերի հրամանատարության միջնորդությամբ ձեռք է բերվել պայմանավորվածություն հյուսիս-արևելյան ուղղությամբ հայ-ադրբեջանական զորքերի շփման գծում հրադադարի ռեժիմը վերականգնելու վերաբերյալ։ Հուլիսի 28-ի ժամը10։40-ից հաստատվել է հրադադար։

Տե՛ս նաև այստեղ

az24saat.org

Bənzər məqalələr

Leave a Reply

Your email address will not be published. Required fields are marked *

Back to top button