Մոսկվան, առաջին անգամ՝ անցած 11 տարում, փոխել է իր ներկայացուցչին ղարաբաղյան խնդրով զբաղվող ԵԱՀԿ Մինսկի խմբում․ 2010-ից ռուս համանախագահողի պաշտոնը զբաղեցնող Իգոր Պոպովին փոխարինել է Իգոր Խովաևը, ով և ստորագրել է միջնորդական խմբի երեկ տարածած հայտարարությունը։
Թե կոնկրետ երբ է տեղի ունեցել փոփոխությունը, պաշտոնապես չի հաղորդվում։
Խովաևը 59 տարեկան է, մինչև 2020 թվականը՝ հինգ տարի, եղել է Ռուսաստանի դեսպանը Ֆիլիպիններում, մինչ այդ զբաղեցրել է Վիետնամում Ռուսաստանի դեսպանության խորհրդականի պաշտոնը։
