Մոսկվայի իշխանությունները չեղարկել են հասարակական վայրերում, խանութներում ու տրանսպորտում ձեռնոցներ կրելու պարտադիր պահանջը։
Վերջին շաբաթներին, ըստ պաշտոնական վիճակագրության, կորոնավիրուսի դեպքերը շուրջ կիսով չափ նվազել են, այսօր արձանագրվել է 3481 վարակակիր՝ այս ամսվա սկզբի 7000-ի համեմատ։ Դրան, ըստ քաղաքապետ Սերգեյ Սոբյանինի, նպաստել է իշխանությունների պայքարը և արշավը՝ պատվաստումների ուղղությամբ։
Պաշտոնյաների հաշվարկներով` մեգապոլիսում հուլիսի 16-ի դրությամբ պետծառայողների և սպասարկման ոլորտի աշխատակիցների 70 տոկոսը պատվաստվել էր, ինչն էլ թույլ է տալիս այսօր թուլացնել սահմանափակումները։ Դիմակներ կրելու պահանջը, մինչդեռ, շարունակում է մնալ ուժի մեջ։
