Խորհրդարանը քննարկում է Ազգային ժողովի նախագահի ընտրության հարցը։
«Քաղաքացիական պայմանագիր» խմբակցությունն առաջադրեց Ալեն Սիմոնյանի թեկնածությունը, «Հայաստան» խմբակցությունը՝ Մխիթար Զաքարյանի, «Պատիվ ունեմ»-ը Արթուր Սարգսյանի թեկնածությունները։
«Մխիթար Զաքարյանը, լինելով ԱԺ պատգամավոր՝ ընտրված լինելով, այսօր բացակայում է դահլիճից ոչ իր կամքով, այլ գտնվում է ապօրինի անազատության մեջ, և պատանդառված այս վիճակը, որը, ըստ էության, փաստում է գործող իշխանության պահվածքը, մենք հետևողականորեն պայքարելու ենք մեր ընկերների ազատության համար։ Սա իրավունքի պաշտպանության պայքար է», – հայտարարեց խմբակցության քարտուղար Արծվիկ Մինասյանն։ Նա է ներկայացնում Զաքարյանին Ազգային ժողովում։
«Հայաստան» դաշինքի երկու պատգամավորները՝ Մեղրիի և Սիսիանի նախկին համայնքապետեր Մխիթար Զաքարյանը և Արթուր Սարգսյանը կալանավորված են քրեական գործերով։
Ազգային ժողովի կանոնակարգ սահմանադրական օրենքի 136-րդ հոդվածի համաձայն խմբակցություններն Ազգային ժողովի նախագահի մեկական թեկնածու առաջադրելու իրավունք ունեն։ ԱԺ նախագահն ընտրվում է գաղտնի քվեարկությամբ, պատգամավորների ընդհանուր թվի ձայների մեծամասնությամբ։
