Հաշվիչ հանձնախումբն 9 անդամ կունենա․Ազգային ժողովը ձայների 65 կողմ, 1 դեմ, 14 ձեռնպահ հարաբերակցությամբ ընդունեց «ՀՀ Ազգային ժողովի ութերորդ գումարման հաշվիչ հանձնախումբ ստեղծելու մասին» որոշման նախագիծը:
6 անդամները «Քաղաքացիական պայմանագրից» են, 2-ը՝ «Հայաստան» դաշինքից, 1-ը՝ «Պատիվ ունեմ»-ից։
Հանձնախմբում «Քաղաքացիական պայմանագիր» խմբակցությունից ընդգրկված կլինեն Նարեկ Բաբայանը, Սարգիս Խանդանյանը, Լիլիթ Մինասյանը, Քրիստինե Պողոսյանը, Հովիկ Աղազարյանը եւ Արուսյակ Մանավազյանը, «Հայաստան» խմբակցությունից` Աշոտ Սիմոնյանը, Ագնեսա Խամոյանը, իսկ «Պատիվ ունեմ» խմբակցությունից` Թագուհի Թովմասյանը:
Առաջիկայում հանձնախմբի անդամները նիստ կգումարեն և իրենց կազմից կընտրեն նախագահ ու քարտուղար:
