Միացյալ Նահանգները հասավ կորոնավիրուսի դեմ պատվաստման 70 տոկոսի շեմին

Միացյալ Նահանգների չափահաս բնակիչների մոտ 70 տոկոսը ստացել է կորոնավիրուսի դեմ պատվաստանյութի առնվազն մեկ դեղաչափ:

Ըստ վիճակագիրների, 4 չափահասներից 3-ը պատվաստվել են: Այդ տվյալները երեկ հրապարակել է ԱՄՆ առողջապահության նախարարությանն առընթեր հիվանդությունների հսկողության և կանխարգելման դաշնային կենտրոնը:

Միացյալ Նահանգների նախագահ Ջո Բայդենի նպատակն էր հուլիսի 4-ին՝ ԱՄՆ Անկախության օրը հասնել պատվաստման 70 տոկոսի շեմին, սակայն գործընթացը ձգձգվել էր պատվաստման նկատմամբ բնակչության որոշակի հատվածի անվստահության հետևանքով:

Բայդենի կարգադրությամբ դաշնային բոլոր պաշտոնյաները, տրանսպորտի համակարգի աշխատողները և մի շարք այլ ծառայությունների աշխատակիցներ պետք է պատվաստվեն կամ պարբերաբար ստուգումների ենթարկվեն:

Մի շարք նահանգներում, այդ թվում՝ կորոնավիրուսից առավել տուժած Լուիզիանայում իշխանությունները վերականգնել են դիմակ կրելու պահանջը:

Պատվաստման 70 տոկոսի շեմն, ըստ մասնագետների, կընձեռի բնակչության հավաքական իմունիտետ, ինչը թույլ կտա կասեցնել վարակի տարածումը:

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button