Արևմտյան յոթ պետություններ, այդ թվում ՄԱԿ-ի Անվտանգության խորհրդի երեք մշտական անդամներ՝ ԱՄՆ-ը, Մեծ Բրիտանիան և Ֆրանսիան, կոչ են արել Ռուսաստանի իշխանություններին չեղարկել Աբխազիայի և Հարավային Օսիայի ճանաչման մասին 2008 թվականին կայացրած որոշումը։
«Այսօր մենք կրկին կոչ են անում Ռուսաստանի Դաշնությանը անհապաղ դուրս բերել զինված ուժերը և չեղարկել Աբխազիայի ու Հարավային Օսիայի անկախության ճանաչման մասին որոշումները, քանի որ այդ տարածքները պատկանում են Վրաստանին», – նշված է հայտարարությունում։ Դրա տակ ստորագրել են նաև ՄԱԿ-ի Անվտանգության խորհրդի ոչ մշտական անդամներ Նորվեգիան, Իռլանդիան և Էստոնիան, ինչպես նաև Ալբանիան, որը խորհրդի կազմում կընդգրկվի 2022-2023 թվականներին։
