«Իսրայելը չի բացառում Իրանի դեմ ռազմական գործողության հնարավորությունը», – այս մասին այսօր հայտարարել է Իսրայելի պաշտպանության նախարար Բենի Գանցը։
Իսրայելը, ինչպես նաև Միացյալ Նահանգներն ու Մեծ Բրիտանիան պնդում են, որ Իրանի հատուկ ծառայությունները առնչություն ունեն հուլիսի 29-ին Օմանի ծովածոցում տեղի ունեցած միջադեպին։
Դրա ընթացքում հարձակման էին ենթարկվել իսրայելական Zodiak Maritime ընկերության կողմից շահագործվող Mercer Street տանկերը։ Հարձակման հետևանքով երկու մարդ էր զոհվել՝ մեկը Մեծ Բրիտանիայի, մյուսը՝ Ռումինիայի քաղաքացի։
