Տոկիոյի Օլիմպիական խաղերի կազմակերպիչներն այսօր լրագրողներին են ներկայացրել Օլիմպիադայի թալիսման-ռոբոտներին։
Toyota ընկերության Humanoid Robot Group թիմը Miraitowa և Someitu կոչված ռոբոտների ստեղծման վրա երեք տարի աշխատել է։ Նրանք կարող են պարել երաժշտության տակ, հանդիսատեսին բնորոշ ռեակցիաներ արտահայտել, կրկնել մարդկանց շարժումները։
Ըստ մտահղացման՝ հազարավոր ֆաներ և երեխաներ կարող էին օնլայն ինտերակտիվ կապ ունենալ ռոբոտների հետ, բայց համավարակի պատճառով լայնածավալ աշխատանքները կրճատվել էին՝ նման հնարավորություն ապահովելով մի քանի հարյուր մարդու համար։
Օլիմպիական խաղերի թալիսման-ռոբոտներից հիմա 10 հատ կա, 2-ը Տոկիոյի Օլիմպիական ավանում են, 8-ն այցելում են Ճապոնիայի հատուկ կարիքներ ունեցող դպրոցականներին։
