Հավաքական անվտանգության պայմանագրի կազմակերպության (ՀԱՊԿ) գլխավոր քարտուղար Ստանիսլավ Զասի գլխավորած պատվիրակույթունն արդեն Հայաստանում է, տեղեկացնում է ռազմական կառույցի լրատվական ծառայությունը։
Հաղորդագրությունում նշվում է, որ այսօր և վաղը նախատեսվում են հանդիպումներ Հայաստանի ռազմական և քաղաքական ղեկավարության հետ, մասնավորապես, վարչապետ Նիկոլ Փաշինյանի, արտաքին գործերի նախարարի պարտականությունները կատարող Արմեն Գրիգորյանի և պաշտպանության նախարար Արշակ Կարապետյանի հետ։
Հանդիպումների ընթացքում Ստանիսլավ Զասը հայկական կողմին կտեղեկացնի ՀԱՊԿ պատասխանատվության ոլորտում ստեղծված իրավիճակի, ինչպես նաև Հավաքական անվտանգության խորհրդի հաջորդ նստաշրջանի նախապատրաստական աշխատանքների մասին:
Ուշագրավ է, որ ՀԱՊԿ գլխավոր քարտուղարի այցը Հայաստան տեղի է ունենում այն պայմաններում, երբ ադրբեջանական զորքերը ամիսներ շարունակ ներխուժել են Հայաստանի տարածք, իսկ ՀԱՊԿ-ին ուղղված Հայաստանի դիմումները մնացել են անհետևանք։
