8-րդ գումարման Ազգային ժողովը շարունակում է աշխատանքը։
Խորհրդարանը քննարկում է մշտական հանձնաժողովների ստեղծման հարցը։
«Քաղաքացիական պայմանագիր» խմբակցությունը Պետաիրավական հարցերի մշտական հանձնաժողովի նախագահի պաշտոնում առաջադրեց Վլադիմիր Վարդանյանի թեկնածությունը։
Վարդանյանն այս հանձնաժողովը ղեկավարում էր նաև 7-րդ գումարման Ազգային ժողովում։
«Սա մեծ պատիվ է և միաժամանակ չափազանց մեծ պատասխանատվություն՝ հաշվի առնելով այն մարտահրավերները, որ ծառացած են մեր պետության առջև», – իր ելույթում ասաց Վարդանյանը։
12 մշտական հանձնաժողովների 9 նախագահների թեկնածուների կառաջադրի իշխող «Քաղաքացիական պայմանագիր» խմբակցությունը, 3-ը՝ ընդդիմադիր «Հայաստան» խմբակցությունը:
