Թուրքիայի սևծովյան ափամերձ գոտում շարունակվող ջրհեղեղների զոհերի թիվը հասել է 27-ի։ Թուրքական աղբյուրների փոխանցմամբ՝ հորդառատ անձրևների հետևանքով ծագած ջրհեղեղներից ամենաշատը տուժել են Բարթինի, Կաստամոնույի և Սինոպի շրջանները։
Միայն Կաստամոնու քաղաքում և հարակից բնակավայրերում վերջին օրերին 25 մարդ է զոհվել, ևս 1700-ը տարհանվել է:
Այսօր կեսօրին, աղետի գոտի է ժամանել Թուրքիայի նախագահ Ռեջեպ Թայիփ Էրդողանը։ Կաստամոնույի բնակիչների հետ հանդիպման ժամանակ Թուրքիայի նախագահը խոստացել է ջրհեղեղների հետևանքները վերացնել սեղմ ժամկետներում։
