«Թուրքիայի հարավում՝ Կահրամանմարաշ նահանգում, անտառային հրդեհների դեմ պայքարի ընթացքում այսօր ռուսական արտադրության Be-200 հրշեջ օդանավ է կործանվել», – հաղորդում է Anadolu գործակալությանը։
Թուրքական լրատվամիջոցի փոխանցմամբ՝ Թուրքիայի անտառային տնտեսության գործակալությունը շաբաթներ առաջ օդանավը վարձակալել էր Ռուսաստանում։ Աղետի պահին օդանավում յոթ մարդ կար՝ ներառյալ անձնակազմը։ Այս պահին նրանց ճակատագիրը դեռ հստակ չէ, որոնողական աշխատանքները շարունակվում են։
