ՄԱԿ-ը 8 միլիոն դոլար է հատկացրել`օգնելու Հայիթիին, որտեղ անցած շաբաթ օրը տեղի ունեցած երկրաշարժից ավելի քան 1200 մարդ է զոհվել, հազարավորները`վիրավորվել:
Տեղից ստացվող հաղորդումների համաձայն, երկրում ջրի ու սննդի, ինչպես նաև դեղամիջոցների ու բժիշկների զգալի պակաս կա:
Երկիրը, որ համարվում է Արևմտյան կիսագնդի ամենաղքատ պետությունը, դեռ լիովին չէր վերականգնվել 11 տարի առաջ տեղի ունեցած երկրաշարժից, որի զոհ էին դարձել ավելի քան 200 հազար մարդ, տնտեսությունն ու ենթակառուցվածքները` էապես տուժել:
Նոր աղետը համընկել է խորը քաղաքական ճգնաժամի հետ, որ սկսվել էր անցած ամիս` Հայիթիի նախագահ Ժովենել Մոիզի սպանությունից հետո:
