Բելառուսի սահմանապահները խախտել են Լիտվայի սահմանը

Loading...

Լիտվան պաշտոնապես բողոքի նոտա է փոխանցել Բելառուսին այն բանից հետո, երբ Բելառուսի սահմանապահ ստորաբաժանման մի խումբ զինծառայողներ խախտել են Լիտվայի սահմանը:

«Մենք բելառուսական կողմին փոխանցել ենք մեր լուրջ անհանգստությունը սահմանին տեղի ունեցած հերթական սադրանքի կապակցությամբ, քանի որ այնտեղ իրավիճակն առանց այն էլ լարված է»,- հայտարարել է Լիտվայի արտաքին գործերի նախարար Գաբրիելյուս Լանդսբերգիսը:

Նրա խոսքով, Վիլնյուսը Մինսկին կոչ է անում զերծ մնալ բոլոր տեսակի սադրիչ քայլերից: Նախարարը հայտնել է, որ այդ միջադեպի մասին տեղեկացվել են Լիտվայի գործընկերները, Եվրոպական միությունը և ՆԱՏՕ-ն:

Ըստ Լիտվայի արտաքին գերատեսչությանն առընթեր պետական սահմանների պահպանման ծառայության, երեկ 12 բելառուս սահմանապահներ, ուղեկցելով մոտ 30 ապօրինի միգրանտների, հատել են Լիտվայի սահմանը Շալչինինկայի շրջանում: Լիտվացի սահմանապահները կանխել են միգրանտների ապօրինի մուտքը:

Լիտվացիները բելառուս սահմանապահներից պահանջել են վերադառնալ Բելառուսի տարածք, երկրորդ նախազգուշացումից հետո բելառուսները կատարել են այդ պահանջը:

Արտգործնախարար Լանդսբերգիսի փոխանցմամբ, Լիտվան ունի այդ միջադեպի տեսագրությունը:

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button