Անգելա Մերկելն այցելում է Ուկրաինա

Loading...

Կիրակի օրը՝ Մոսկվայում Ռուսաստանի նախագահ Վլադիմիր Պուտինի հետ բանակցություններից երկու օր անց, Գերմանիայի կանցլեր Անգելա Մերկելն այցելում է Ուկրաինա:

Նախատեսվում է, որ որպես կանցլեր 16-ամյա պաշտոնավարման ավարտին «հրաժեշտի շրջագայություն» կատարող Մերկելը կհանդիպի Ուկրաինայի նախագահ Վլադիմիր Զելենսկիի հետ:

Պուտինի հետ հանդիպմանը հաջորդած ասուլիսի ժամանակ Մերկելը հայտարարել է, թե «շարունակելու է աշխատել Ուկրաինայի տարածքային ամբողջականության համար» մինչև սեպտեմբերին Գերմանիայում անցկացվելիք ընտրություններից հետո պաշտոնին հրաժեշտ տալը:

Այդուհանդերձ, լրատվական գործակալությունները նշում են, որ Գերմանիան քննադատվում է «Հյուսիսային հոսք-2» գազատարի նախագիծը սատարելու համար, որը, ինչպես զգուշացրել են Միացյալ Նահանգները և այլ պետություններ, կմեծացնի կախվածությունը ռուսական էներգակիրների մատակարարումներից և կարող է զրկել Ուկրաինային դրանց տարանցման վճարներից:

Պաշտոնական Բեռլինը բարձրացրել է Ուկրաինայի համար փոխհատուցման հնարավոր մեխանիզմ ստեղծելու հարցը:

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button