Պաշտպանության փոխնախարար Կարեն Բրուտյանը մեկնել է Մոսկվա՝ ռազմատեխնիկական ոլորտում պայմանագրեր կնքելու և մատակարարումների շուրջ բանակցությունների, հաղորդում է Պաշտպանության նախարարությունը։
Ըստ հաղորդագրության, Բրուտյանի գլխավորած պատվիրակությունն առաջիկա հինգ օրերի ընթացքում Մոսկվայում կմասնակցի «ԱՐՄԻԱ-2021» միջազգային ռազմատեխնիկական համաժողովին, ցուցահանդեսին, ինչպես նաև կմասնակցի ռազմարդյունաբերության ոլորտում Ռուսաստանի առաջատար ընկերությունների՝ «Ռոսօբորոնէքսպորտի», «Իրկուտի», «ԿամԱԶի», և այլ կազմակերպությունների ղեկավարների հետ հանդիպումներին ու պայմանագրերի կնքմանը:
Ավելի վաղ՝ երեկ, պաշտպանության նախարար Արշակ Կարապետյանի գլխավորած պատվիրակությունն էր մեկնել Մոսկվա՝ «Արմիյա 2021» ռազմարդյունաբերական ցուցահանդեսին և Միջազգային բանակային խաղերի բացմանը մասնակցելու։ Նույն այդ միջոցառումներին կմասնակցի նաև Ադրբեջանի պաշտպանության փոխնախարար, նյութատեխնիկական գծով գլխավոր վարչության պետ Նիզամ Օսմանովը։ Կողմերի միջև դեմ առ դեմ հանդիպումների մասին պաշտոնապես չի հաղորդվում։
