«Թալիբան»-ը օտարերկրյա զինվորականների և դիվանագետների դուրսբերման վերջնաժամկետ է սահմանել օգոստոսի 31-ը

Loading...

«Թալիբան»-ը զգուշացրել է, որ օտարերկրյա զինվորականների և դիվանագետների դուրսբերումն Աֆղանստանից պետք է ավարտվի մինչև օգոստոսի 31-ը:

«Այդ վերջնաժամկետը չի երկարաձգվելու: ՆԱՏՕ-ի անդամները բավականաչափ ժամանակ ունեն՝ իրենց առաքելությունն ավարտելու համար»,-այսօր հայտարարել է զինված խմբավորման խոսնակ Զաբիհուլա Մուջահիդը։ Զինյալ խմբավորման ներկայացուցիչը տեղեկացրել է նաև, թե այսուհետ Աֆղանստանի քաղաքացիներին արգելվելու է գնալ օդանավակայան` իբրև թե այնտեղ ստեղծված իրավիճակի պատճառով։

«Մենք խնդրում ենք ամերիկացիներին, որպեսզի չհամոզեն մարդկանց հեռանալ, մեզ պետք է մեր երկրի ներուժը»,- հայտարարել է թալիբների խոսնակը։

Ավելի վաղ իսլամիստները համընդհանուր համաներում էին հայտարարել և խոստացել, որ վրեժխնդիր չեն լինելու որևէ մեկից, այդ թվում՝ օտարերկրյա ուժերի հետ համագործակցող աֆղանցիներից։ ՄԱԿ-ի մարդու իրավունքների գծով հանձնակատար Միշել Բաչելետը, սակայն, այսօր հայտարարել է, թե վստահաշատ հաղորդումներ է ստացել թալիբների վերահսկողության տակ գտնվող տարածքներում սկսված բռնությունների, առանց մահապատիժ իրականացվող մահապատիժների և կանանց իրավունքների ոտնահարման մասին։

Այսօր ավելի ուշ Աֆղանստանի հարցով արտահերթ հանդիպում կանցկացնեն նաև «Մեծ յոթնյակ»-ի պետությունները։ Հավաքի մասնակիցներից մի քանիսը չեն բացառել, որ քննարկման կարող է դրվել նաև թալիբների դեմ պատժամիջոցների հարցը։

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button