Թալիբները ցանկանում են լավ կապեր հաստատել Չինաստանի հետ

Loading...

Թալիբները հայտարարել են, որ մտադիր են բարեկամական հարաբերություններ հաստատել Չինաստանի հետ: Այդ մասին ասել է «Թալիբան»-ի խոսնակ Զաբիհուլահ Մուջահիդը:

«Չինաստանի համաշխարհային հեռուստացանց» ընկերության թղթակցի հետ զրույցում անդրադառնալով Աֆղանստանի նոր կառավարության արտաքին քաղաքականության հայեցակարգին, Մուջահիդն ասել է, որ թալիբները ցանկանում են լավ կապեր հաստատել բոլոր պետությունների հետ:

Նա դիմել է, իր ձևակերպմամբ, «բարեկամ երկրներին», առաջարկելով դրանց՝ շփումներ հաստատել թալիբների հետ:

«Մենք ուզում ենք լավ հարաբերություններ հաստատել Չինաստանի և բոլոր մնացած պետությունների հետ: Մենք ցանկանում ենք զարգացնել տնտեսական կապերը և բարեկամական հարաբերությունները Չինաստանի հետ»,- ասել է Աֆղանստանը գրաված զինված շարժման խոսնակը:

Նա հավաստիացրել է, որ թալիբները չեն ներխուժի որևէ օտարերկրյա դեսպանատան տարածք և կապահովեն Քաբուլում դեսպանատների թաղամասի անվտանգությունը:

Նա ընդգծել է, որ ոչ մի ահաբեկչական կառույց, այդ թվում՝ «Ալ-Ղայդան», չի ունենա Աֆղանստանում ապաստանելու և գործելու հնարավորություն:

Աֆղանստանը, թալիբների խոսնակի հավաստիացմամբ, չի կատարի որևէ քայլ, որը վնաս կհասցնի հարևան պետություններին:

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button