Նյու Յորքում բողոքի ցույց` պատվաստվելու պարտադրանքի դեմ

Loading...

Հարյուրավոր մարդիկ Նյու Յորքում բողոքի ցույց են կազմակերպել կորոնավիրուսի կապակցությամբ սահմանված արգելքների դեմ:

Ակցիայի ընթացքում նրանք վանկարկել են «Մենք չենք ենթարկվի» և «Այլևս ոչ մի ներարկում» կարգախոսները:

Նրանց համոզմամբ, դա ընտրության և ազատության հարց է, և մարդը պետք է ինքնուրույն որոշի՝ պատվաստվե՞լ, թե՞ ոչ:

Ակտիվիստները պնդել են, որ վակցինան հաստատող պարենի և դեղորայքի դաշնային գործակալությունը ժամանակին սխալ որոշումներ է ընդունել և հաստատել է ոչ արդյունավետ կամ նույնիսկ վնասակար դեղեր, հետևապես, չի կարելի առաջնորդվել այդ ատյանի կայացրած որոշմամբ:

Մեկ շաբաթ առաջ Նյու Յորքի քաղաքապետարանը որոշել է, որ մարդիկ պարտավոր են կորոնավիրուսի դեմ պատվաստվելու վկայական ներկայացնել ռեստորաններում, մարզասրահներում և այլ հիմնարկներում: Դա լուրջ դժգոհություն է առաջացրել:

Բացի այդ, հանրությանը զայրացրել է նաև Նյու Յորքի քաղաքապետ Բիլ դե Բլասիոյի կարգադրությունը, որի համաձայն, դպրոցների ուսուցիչները և աշխատողները պարտադիր պետք է պատվաստվեն:

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button