Ֆիզուլիի շրջանում այսօր տեղի ունեցած որոնողական աշխատանքներն արդյունք չեն տվել: Զոհված զինծառայողի աճյուն կամ մասունք չի հայտնաբերվել, հաղորդում է Արցախի Արտակարգ իրավիճակների պետական ծառայությունը:
Հիշեցնենք, որ պատերազմի արդյունքում ադրբեջանական վերահսկողության տակ անցած տարածքներից զինադադարից մինչ օրս տարհանվել է 1651 աճյուն, որից 2-ը երեկ՝ Հադրութի շրջանի Նորաշեն համայնքի հարակից տարաքից:
