Դանիան երկու շաբաթից` սեպտեմբերի 10-ից չեղարկում է կորոնավիրուսի տարածման հետ կապված բոլոր սահմանափակումները։
«Վարակն այլևս սպառնալիք չէ մեր հասարակության համար», – հայտարարել է Առողջապահության նախարարությունը, փաստելով՝ երկրում չափահաս բնակչության ավելի քան 70 տոկոսն արդեն լիովին պատվաստվել է։ Կառավարությունը միաժամանակ հիշեցրել է, որ համավարակը դեռ չի ավարտվել, և զգուշացրել, որ իրավիճակի վատթարացման դեպքում իշխանությունները արագ կանցնեն համարժեք քայլերի։
Ավելի վաղ՝ օգոստոսի կեսից, երկրում չեղարկվել էր դիմակ կրելու պարտադիր պահանջը։
