Ամերիկան ուշադրությամբ կհետևի թալիբների քայլերին ու տրված խոստումների իրագործմանը, և ըստ այդմ որոշում կկայացնի` նրանց հետ հարաբերությունների վերաբերյալ, երեկ հայտարարել է Պետդեպարտամենտի խոսնակը:
«Մենք տարատեսակ հայտարարություններ ենք լսել, մի մասը` դրական, մի մասը` կառուցողական, բայց մենք և մեր միջազգային դաշնակիցները դատելու ենք ոչ թե խոսքով, այլ` գործով», – ասել է Նեդ Փրայսը:
Ավելի վաղ Ամերիկայի արտաքին քաղաքական գերատեսչությունը հայտարարել էր, որ փոխպետքարտուղարը պարբերաբար քննարկումներ է անցկացնում մոտ 30 երկրների, այդ թվում` ՆԱՏՕ-ի անդամների և Հնդկա-խաղաղօվկիանոսյան երկրների հետ` թալիբների կողմից ձևավորվող կառավարության հետ հարաբերությունների հարցում միասնական դիրքորոշում որդեգրելու համար:
