Ամերիկայի արտաքին քաղաքականության մեջ նոր դարաշրջան է սկսվում․ Նահանգներն այսուհետ չի փորձելու ուժի գործադրմամբ ժողովրդավարություն տարածել այլ երկրներում, երեկ հայտարարել է նախագահ Ջո Բայդենը ամերիկացիներին հղած տեսաուղերձում։
Չնայած քննադատություններին՝ Սպիտակ տան ղեկավարը «ծայրաստիճան հաջող է որակել» Աֆղանստանից զորքը դուրս բերելու գործընթացն ու պնդել, որ դա լավագույն որոշումն էր Ամերիկայի համար։ Այժմ, ըստ Բայդենի, իր առաջնահերթությունն է երաշխավորել, որ Աֆղանստանը այլևս երբեք հարթակ չդառնա` Միացյալ Նահանգների վրա հարձակումների համար։
Բայդենը նաև դիմել է «Իսլամական պետության» զինյալներին, որոնք վերջին օրերին երկու խոշոր ահաբեկչություն էին իրականացրել Քաբուլում՝ սպանելով 180 աֆղանցու և 13 ամերիկացի զինծառայողի։
«Մենք Ձեզ հետ հաշիվները դեռ չենք մաքրել»,- զգուշացրել է Միացյալ Նահանգների առաջնորդը։
