Ադրբեջանը պնդում է, որ Շուշիի մերձակայքում փոխհրաձգություն է տեղի ունեցել

Պաշտոնական Բաքուն հաղորդում է անցած գիշեր Շուշիի մերձակայքում տեղի ունեցած միջադեպի մասին։

Ադրբեջանի պաշտպանության նախարարության պաշտոնական կայքում տեղ գտած հաղորդագրության համաձայն, գիշերը ժամը 1-ից մինչև 2։15-ը ընկած ժամանակահատվածում հայկական ուժերը գնդակոծել են ադրբեջանական դիրքերը։

Դրան ի պատասխան, ըստ հաղոդագրության, ադրբեջանական կողմը պատասխան կրակ է արձակել՝ «հակառակորդին կորուստներ պատճառելով»։

Պաշտոնական Բաքուն պնդում է նաև, որ միջադեպի մասին իրազեկվել են տարածաշրջանում տեղակայված ռուսաստանցի խաղաղապահները և հրադադարի ռեժիմի պահպանման ռուս-թուրքական կենտրոնի ներկայացուցիչները։