Սահմանադրական դատարանը որոշել է քննության առնել օգոստոսի 2-ին Ազգային ժողովի նախագահի ընտրության սահմանադրականության հարցը, հաղորդում է ՍԴ-ի կայքը:
Ըստ որոշման` գործի դատաքննությունը կսկսվի հաջորդ տարի` հունվարի 25-ին:
Հիշեցնենք, որ ՍԴ էին դիմել ընդդիմադիր խմբակցությունները: 8-րդ գումարման Ազգային ժողովի առաջին նիստում ԱԺ նախագահ է ընտրվել Ալեն Սիմոնյանը։ Նրա թեկնածությունն առաջադրել էր «Քաղաքացիական պայմանագիր»-ը, ընդդիմադիր «Հայաստան» ու «Պատիվ ունեմ» խմբակցությունները վստահ են՝ ընտրությունը Սահմանադրության խախտմամբ է տեղի ունեցել։
