Իսրայելի ոստիկանությունը ուժեղացված հսկողություն է սահմանել երկրի հյուսիսում գտնվող «Գիլբոա» կալանավայրի մերձակայքում՝ այստեղ պահվող վեց պաղեստինցի բանտարկյալների փախուստից հետո։ Reuters-ի տեղեկություններով` պաղեստինցիներին հաջողվել է ստորգետնյա թունել փորել՝ աննկատ կերպով հեռանալով բանտի տարածքից։
Փախուստի դիմած պաղեստինցիներից հինգը «Իսլամական ջիհադ» խմբավորման անդամներ էին, վեցերորդը Պաղեստինի ինքնավարության իշխող «Ֆաթահ» շարժման ռազմական թևի՝ «Ալ Աքսայի նահատակների բրիգադներ» խմբավորման հրամանատարներից մեկն էր։
«Բանտից փախուստի դիմած զինյալներից չորսը Իսրայելի կողմից մահվան էին դատապարտվել, ևս երկուսը՝ երկարամյա ազատազրկման», – պնդում են պաղեստինցի իրավապաշտպանները։ Իսրայելական աղբյուրները ենթադրում են, որ բանտարկյալները փորձելու են պատսպարվել Պաղեստինի ինքնավարության կամ հարևան Հորդանանի տարածքում։
