Գերմանական խորհրդարանի դեմ իրականացված կիբերհարձակումների հետևում Ռուսաստանն է, այսօր Բեռլինում կայացած մամուլի ասուլիսի ժամանակ հայտարարել է Գերմանիայի արտաքին գործերի նախարարության պաշտոնական ներկայացուցիչ Անդրեա Զասը։
«Գերմանական կառավարությունը վստահելի տեղեկություններ ունի, որոնց հիման վրա կարելի է եզրակացության հանգել, որ հաքերային Ghostwriter խմբավորման թիկունքում կանգնած է Ռուսաստանի Գլխավոր հետախուզական վարչությունը», – նշել է Գերմանիայի արտգործնախարարության խոսնակը։
Նրա խոսքով` հարձակումների գլխավոր նպատակը Գերմանիայի դաշնային և երկրամասային խորհրդարանների անդամների անձնական տվյալների հափշտակումն է։
