Միրզոյանը ԵՄ դեսպանի հետ հանդիպմանը կարևորել է Մինսկի խմբի շրջանակներում ղարաբաղյան խնդրի խաղաղ կարգավորման գործընթացի վերսկսումը

Loading...

ՀՀ-ԵՄ հարաբերություններն այսօր Հայաստանի արտգործնախարար Արարատ Միրզոյանի ու Հայաստանում ԵՄ պատվիրակության ղեկավար դեսպան Անդրեա Վիկտորինի հանդիպման օրակարգում էին։

Կարևորելով քաղաքական երկխոսության, առևտրատնտեսական կապերի, կրթության, տրանսպորտի, էներգետիկ և բնապահպանության ոլորտներում գործակցության խթանումը՝ նրանք հատկապես շեշտել են Հայաստանի հարավում ենթակառուցվածքային ծրագրերի իրականացումը։

Հայաստանի արտաքին քաղաքական գերատեսչության ղեկավարն Անդրեա Վիկտորինի ուշադրությունը հրավիրել է ադրբեջանական ԶՈւ ստորաբաժանումների կողմից Հայաստանի ինքնիշխան տարածքի նկատմամբ իրականացվող սադրիչ գործողություններին՝ դրանք որակելով լուրջ սպառնալիք՝ տարածաշրջանի անվտանգությանը և կայուն զարգացմանը:

Անդրադառնալով 44-օրյա պատերազմից հետո Արցախում ստեղծված հումանիտար խնդիրներին՝ հրատապ է համարվել Ադրբեջանում պահվող հայ ռազմագերիների և քաղաքացիական անձնանց անվերապահ հայրենադարձման խնդիրը։

Արարատ Միրզոյանը նաև կարևորել է ԵԱՀԿ Մինսկի խմբի համանախագահության շրջանակներում Լեռնային Ղարաբաղի հակամարտության տևական ու համապարփակ կարգավորման նպատակով խաղաղ գործընթացի վերսկսումը։

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button