Մեկ դեղաչափով սահմանափակվող «Սպուտնիկ լայթ» պատվաստանյութը հաստատվել է՝ Հայաստանում օգտագործման համար, ըստ ՏԱՍՍ-ի` հայտնել է Ուղիղ ներդրումների Ռուսաստանյան հիմնադրամը։
Հայաստանի առողջապահության նախարարության կայքում դեռ այս մասին տեղեկություն չկա։
«Սպուտնիկ լայթը» նոր պատվաստանյութ չէ, այն պարզապես նույն «Սպուտնիկ Վի» պատվաստանյութի առաջին դեղաչափն է։ Այժմ մի քանի երկրներում՝ Արգենտինայում, Ադրբեջանում և Միացյալ արաբական էմիրություններում փորձարկում են ոչ միայն «Սպուտնիկ լայթի» արդյունավետությունը, այլև հնարավոր համադրությունը կորոնավիրուսի դեմ այլ պատվաստանյութերի հետ։
