Թալիբները հրապարակել են Աֆղանստանի նոր կառավարության կազմը

Loading...

Երեքշաբթի ուշ երեկոյան Քաբուլում «Թալիբան» շարժումը հրապարակել է Աֆղանստանի նոր կառավարության կազմը։

Վարչապետի պաշտոնը կզբաղեցնի «Թալիբանի» հիմնադիրներից մեկը՝ մոլլա Մոհամադ Հասան Ախունդը։

90-ականներին, երբ թալիբները առաջին անգամ էին եկել իշխանության, Ախունդը զբաղեցնում էր Աֆղանստանի արտաքին գործերի նախարարի և փոխվարչապետի պաշտոնները։

Վերջին տարիներին նա Թալիբանի ներսում գործող ազդեցիկ «Առաջնորդների խորհրդի» ղեկավարն էր։

Ինչպես և Աֆղանստանի կառավարության նորանշանակ անդամների մի զգալի մասը, Ախունդը ևս ամերիկյան պատժամիջեցների ենթարկված աֆղանցիների ցանկում է։

«Թալիբանի» հիմնադիր մոլլա Օմարի որդին՝ Մոլլա Մոհամադ Յաղուբը, նշանակվել է Պաշտպանության նախարար։

Ներքին գործերի նախարարի պարտականությունները կկատարի Սիրաջուդին Հաքանին՝ Միացյալ Նահանգների կողմից ահաբեկչական կառույց ճանաչված «Հաքանիի ցանցի» ղեկավար Ջալալուդին Հաքանիի որդին։

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։

Back to top button