Ավարտվեցին հայ-վրացական բարձր մակարդակի բանակցությունները, հայտնում է Հայաստանի վարչապետի խոսնակ Մանե Գևորգյանը:
Պաշտոնական այցով Վրաստանում գտնվող Հայաստանի վարչապետ Նիկոլ Փաշինյանը իր վրաց գործընկերոջ՝ Իրակլի Ղարիբաշվիլիի քննարկել է երկկողմ հարաբերությունների զարգացման օրակարգային՝ քաղաքական, տնտեսական, առողջապահական, մշակութային եւ հումանիտար ոլորտներին առնչվող մի շարք հարցեր:
Մանե Գևորգյանի փոխանցմամբ՝ անդրադարձ է կատարվել նաև տարածաշրջանում տեղի ունեցող զարգացումներին, կարևորվել են երկու երկրների ջանքերը խաղաղության և կայունության հաստատման ու ամրապնդման գործում:
Նիկոլ Փաշինյանը երկօրյա պաշտոնական այցով Վրաստան է մեկնել այսօր:
Հայաստանի պատվիրակության կազմում են նաև փոխվարչապետ Սուրեն Պապիկյանը, արտգործնախարար Արարատ Միրզոյանը, Տարածքային կառավարման և ենթակառուցվածքների նախարար Գնել Սանոսյանը:
Փաշինյանը հանդիպելու է նաև Վրաստանի նախագահ Սալոմե Զուրաբիշվիլիի հետ:
