Մեսսին հավաքականի կազմում խփած գոլերի թվով առաջ անցավ «Ֆուտբոլի արքա» Պելեից

Loading...

Արգենտինայի հավաքականը ֆուտբոլի աշխարհի 2022 թվականի առաջնության որակավորման մրցաշարում սեփական հարկի տակ 3-0 հաշվով հաղթել է Բոլիվիայի ընտրանուն:

Այդ խաղում երեք գոլի հեղինակ է դարձել թիմի ավագ, լեգենդար ռմբարկու Լիոնել Մեսսին, ով «հեթ-տրիկի» շնորհիվ ազգային հավաքականի կազմում խփած գոլերի թիվը հասցրել է 79-ի և այդ ցուցանիշով առաջ է անցել «Ֆուտբոլի արքա» բրազիլացի Պելեից: Դա նաև Մեսսիի 7-րդ «հեթ-տրիկն» է հավաքականի կազմում:

Արգենտինայում կորոնավիրուսի սահմանափակումները մեղմել են, և երեկ իշխանությունները երկրպագուներին թույլ են տվել ներկա լինել մարզադաշտում:

Մեսսին արտասվել է, երբ բարձրացրել է Հարավային Ամերիկայի գավաթը, որը թիմը շահել է հուլիսին տեղի ունեցած մրցաշարում:

Արգենտինայի հավաքականը ֆուտբոլի աշխարհի 2022 թվականի առաջնության որակավորման փուլում իր խմբում գրավում է երկրորդ տեղը, առաջին տեղում Բրազիլիան է:

Ի դեպ, Մեսսին 153 խաղում է 79 գոլ խփել հավաքականի կազմում, Պելեն 77 գոլ է խփել 91 խաղում: Երկու լեգենդները միշտ ընդգծված հարգանքով և համակրանքով են խոսում միմյանց մասին:

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button