Սեպտեմբերի 12-ի դրությամբ Հայաստանում քովիդի դեմ կատարվել է 335 հազար 721 պատվաստում, որից առաջին դեղաչափ` 215 հազար 278, երկրորդ դեղաչափ` 120 հազար 443։
Ըստ Առողջապահության նախարարության՝ պատվաստումներն իրականացվում են «Կորոնավակ»-ով (միայն 2-րդ դեղաչափ), «ԱստրաԶենեկա»-ով, «Սպուտնիկ-Վի»-ով և «Սինոֆարմ»-ով: Պատվաստումները կարող են իրականացվել 18 և բարձր տարիքի անձանց շրջանում, ըստ դիմելիության, կամավորության սկզբունքով։
Հայաստանում համաճարակային իրավիճակը շարունակում է մնալ լարված։ «Դելտա» շտամի տարածման ու կորոնավիրուսի նոր դեպքերի կտրուկ աճի հետևանքով Հայաստանը կրկին հայտնվել է Եվրամիության չափանիշներով համաճարակային վտանգավոր՝ «կարմիր» գոտում:
