Եվրախորհրդարանը կոչ է անում ԵՄ ղեկավար մարմիններին պատրաստ լինել Ռուսաստանի նկատմամբ նոր կոշտ միջոցների կիրառմանը։ Այս մասին նշված է Եվրոպական խորհրդարանի կողմից ընդունված հատուկ զեկույցում, որին կողմ են քվեարկել Եվրախորհրդարանի անդամներից 493-ը, դեմ՝103-ը։
Զեկույցի հեղինակները Եվրամիության գործադիր մարմիններին կոչ են անում պատրաստ լինել Պետդումայի առաջիկա ընտրությունները ոչ լեգիտիմ ճանաչելուն, ինչպես նաև Ռուսաստանի բանկային համակարգի հնարավոր անջատմանը միջազգային ֆինանսական SWIFT համակարգից։ Բացի այդ, Եվրախորհրդարանի անդամները մեկ անգամ ևս կոչ են անում հրաժարվել «Հյուսիսային հոսք 2» գազատարի շահագործումից։
