Ֆրանսիան խորհրդատվությունների նպատակով հետ է կանչել իր դեսպաններին ԱՄՆ-ից և Ավստրալիայից

Loading...

Պաշտոնական Փարիզը հայտարարել է, որ խորհրդատվությունների նպատակով հետ է կանչում իր դեպաններին Միացյալ Նահանգներից և Ավստրալիայից։

Անցած հինգշաբթի ԱՄՆ-ը, Բրիտանիան և Ավստրալիան հայտարարեցին անվտանգության եռակողմ նոր դաշինք ստեղծելու մասին։ Ավստրալիան անմիջապես հայտնեց, թե չեղարկում է Ֆրանսիայի հետ ավելի քան 40 միլիարդ դոլարի գործարքը՝ նախապատվությունը տալով Միացյալ Նահանգներին։

Ավստրալիան 8 սուզանավ էր պատվիրել Ֆրանսիական Naval Group ընկերությանը, բայց գործարքից հրաժարվում է՝ որոշելով սուզանավերը կառուցել ամերիկյան ու բրիտանական տեխնոլոգիաներով։

Ավստրալիայի այդ քայլը Փարիզը գնահատել է դաշույնի հարված թիկունքից։ Վաշինգտոնից և Կանբերայից դեսպաններին հետ կանչելը համարվում է դիվանագիտական աննախադեպ ճգնաժամ։

ԱՄՆ-ը և Ավստրալիան ափսոսանք են հայտնել դեսպաններին հետ կանչելու Ֆրանսիայի որոշման կապակցությամբ՝ ասելով, թե առաջիկա օրերին կաշխատեն լուծել տարաձայնությունը։

ԱՄՆ-Բրիտանիա-Ավստրալիա անվտանգային նոր եռակողմ դաշինքի ստեղծումը նպատակ է հետապնդում հակազդել Չինաստանի աճող ազդեցությանը Հնդկական-Խաղաղօվկիանոսյան ավազանում։

az24saat.org

Bənzər məqalələr

Թողնել պատասխան

Ձեր էլ-փոստի հասցեն չի հրապարակվելու։ Պարտադիր դաշտերը նշված են *-ով

Back to top button