ՄԱԿ-ի միջուկային վերահսկող կազմակերպությունը նախազգուշացնում է, որ Հյուսիսային Կորեան «ամբողջ թափով առաջ է շարժվում» իր միջուկային ծրագրով:
Ատոմային էներգիայի միջազգային գործակալության՝ (ԱԷՄԳ, ՄԱԳԱՏԷ) գլխավոր տնօրեն Ռաֆայել Գրոսսին հայտարարել է, որ այդպիսի գործունեությունը ՄԱԿ-ի մի քանի բանաձևերի խախտում է:
ԱԷՄԳ-ի տեսուչները մուտք չունեն հյուսիսկորեական օբյեկտներ, սակայն գործակալությունը վերահսկում է այնտեղ գործողությունները արբանյակային պատկերների միջոցով:
