Արցախում մատուցվել է հոգեհանգստյան կարգ 44-օրյա պատերազմի զոհերի հիշատակին:
Նախագահ Արայիկ Հարությունյանը, մի շարք բարձրաստիճան պաշտոնյաներ, զինվորականներ մասնակցել են հոգեհանգստյան կարգին, այնուհետև քայլերթ է կատարվել դեպի Ստեփանակերտի քաղաքային հուշահամալիր:
Այսօր արցախյան երկրորդ պատերազմի մեկնարկի տարելիցն է:
Ըստ պաշտոնական տվյալների` հայկական կողմից շուրջ 4 հազար մարդ է զոհվել այս պատերազմում, մինչ օրս ադրբեջանական գերության մեջ են հայեր, 250-ից ավելի մարդ համարվում է անհետ կորած:
Ժամը 11-ին Հայաստանում, Արցախում մեկ րոպե լռություն հայտարարվեց:
Ադրբեջանում այսօր` սեպտեմբերի 27-ը պաշտոնապես նշվում է որպես Հիշատակի օր:
